Ynghylch Maria Hayes
Mae Maria Hayes yn gwneud ac yn dangos gwaith ledled y wlad ers 1986 mewn arddangosfeydd solo a grwp, mewnosodion a pherfformiadau. Bu Maria yn Artist Preswyl ar brojectau lawer ac mae wedi cwblhau gwaith comisiwn yn llwyddiannus.
Mae Maria wedi cyfuno hyn â dyfeisio a thraddodi gweithdai a rhaglenni hyfforddi fel hwyluswr ar ei liwt ei hun. Mae wedi gweithio gyda phob oed a gallu yn y rhan fwyaf o leoliadau.
Mae'r dudalen yma'n cyflwyno uchelfannau gwaith Maria. Mae rhagor o wybodaeth ar gael ar y dudalen Curriculum Vitae.
Portread
Ers 1986, bu Maria yn gwneud ac yn dangos gwaith mewn orielau ac mewn digwyddiadau byw trwy hyd a lled y DU. Mae'r rhan fwyaf o waith Maria yn ddau ddimensiwn, gan ddefnyddio amrywiaeth o gyfryngau gan gynnwys peintio, gwneud printiau, lluniadu a chyfryngau cymysg. Mae hi'n cael ei hysbrydoliaeth yn nhirwedd Gogledd Cymru ac yn y ffurf ddynol.
Mae ei gwaith mewn casgliadau preifat a chyhoeddus gartref a thrwy'r gwledydd ill dau.
Mae Maria hefyd wedi chwilio'n drylwyr y cysylltiad rhwng y llinell a dynnir a'r ffigwr yn symud ac mae wedi datblygu ffurf ar "beintio actol" byw ar y cyd â chwmnïau theatr a dawns megis Volcano Theatre Co a Paul Davies (NEWD).
Mae Maria yn cyfuno'r arfer yma â gwaith addysg a hyfforddi mewn ysgolion, orielau a sefydliadau Addysg Uwch ledled Cymru a'r DU. Comisiynir Maria yn rheolaidd i ddyfeisio a thraddodi gweithdai a chyrsiau hwy ym myd addysg y celfyddydau ac orielau.
Mae gan Maria brofiad o fentora, darlithio, ymchwil, curadu arddangosfeydd, gweinyddu yn y celfyddydau a rheoli projectau.
Medrau Allweddol
- Creadigol: Rwyf wedi cynhyrchu corff mawr o gelfyddydwaith gweledol yn ystod ugain mlynedd wrth fy ngwaith fel artist proffesiynol. Yn ddiweddar bum yn ychwanegu medrau darlunio at fy mhortffolio. Rwyf hefyd wedi magu medrau dyfeisio a chyfarwyddo.
- Trefnu: Rwyf wedi gosod a defnyddio systemau catalogio, ffeilio ac archifo deunydd a data cyfredol. Rwyf yn drefnus yn dogfennu projectau a gwaith ac yn ddibynadwy o ran rhedeg fy musnes fy hun o ddydd i ddydd a dyletswyddau gwaith eraill.
- TG: Word, Excel, Power Point, Entourage, Photoshop, delweddu Digidol a defnyddio gwefannau. Mae gennyf brofiad o systemau Mac a PC ill dwy.
- Mentora: Rwyf wedi mentora yn swyddogol ac yn answyddogol ill dau.
- Hyfforddiant: Byddaf yn dyfeisio ac yn traddodi cyrsiau hyfforddi yn rheolaidd i artistiaid, athrawon a grwpiau eraill yn y sectorau addysg, creadigol a gofal.
- Addysgiadol: Rwyf wedi dyfeisio a thraddodi projectau addysgiadol ledled y wlad, yn gweithio ar fy liwt fy hun i nifer o gwmnïau amlwg (gan gynnwys Tîm Addysg ac Allgyrch London Contemporary Dance, Addysg Allgyrch Canolfan Mileniwm Cymru ac ENGAGE, y corff cenedlaethol addysg orielau) yn ogystal ag i ysgolion, colegau, prifysgolion ac oedfannau cymuned.
- Arwain: Mae gennyf brofiad o arwain projectau a rheoli timau o weithwyr creadigol.
- Chwaraewr tîm: Rwyf hefyd wedi gweithio fel chwaraewr tîm a rwy'n gallu ymaddasu i anghenion a gofynion y sefyllfa yma.
- Entrepreneur: Rwy'n hunangyflogedig ers 1986 ac wedi addasu fy medrau a'm cydnawsedd i sector sy'n cyflym newid. Mae gennyf brofiad ym meysydd Marchnata, Cyllideb, Rheoli Amser a Projectau, Rhwydweithio a chadw cofnodion effeithiol.